"Eyilik aktsiyası" hayriye marafonı

Printer-friendly version Send by email

  Press-reliz                                                           

Mart 14-de                                                                        Keçirilgen yeri:
Saat: 11-00                                                                            Aqmescit ş.
                                                                                  QCM "İ. Gasprinskiy
                                                                                       adına qırımtatar    kütüphanesi


"Eyilik aktsiyası" hayriye marafonı

"Eyilik aktsiyası" - özüne çoqtan-çoq tedbirler kirsetken hayriye aktsiyası ve bütün qırımtatar kütüphanelerine maddiy taraftan yardım etmek içün teşkil etilgen tedbir.
Bu hayriye marafonı 01.03.2012 s. başlap 01.01.2013 qadar keçirilecek. İ.Gasprinskiy adına Kırımtatar cumhuriyet kütüphanesi adına cıyılğan maddiy yardım Qırımda olğan 15 qırımtatar kütüphanelerine darqatılacaq.

İ.GASPRİNSKİY ADINA QIRIMTATAR CUMHURİYET KİTAPHANESİ:
kırımtatar tilinde matbaa eserleriniñ, elyazmalar ve vesiqalarnıñ, diger tillerde qırımtatarlar aqqındaki neşirlerniñ devlet anbarıdır;
qırımtatarlar aqqında, diger türkiy halqlar ve musulman medeniyeti aqqındaki bilgilerni teşviq etüv merkezidir;
kırımtatar oquyıcılarınen çalışuvda ve tuvgan tillerdeki neşirlerni kütleviyleştirüvde Qırım kitaphaneleri içün teşkiliy-metodik merkezidir;
milliy tevsiyeviy bibliografiya ve kitaphanelerara abonement merkezidir;
Qırım ve diger regionlardaki kitaphaneler hadimleriniñ iştiraginen seminarlar, treningler, tögerek masalar ötkere;
İ.Gasprinskiy adına Kırımtatar cumhuriyet kitaphanesinde filial uquqında Kırımtatar sanat müzeyi çalışa.
Kütüphaneniñ tuvgan tilde çıqqan edebiyat fondu Qırımda ve onıñ tışında yaşagan kırımtatarlarnıñ bağışlağan kitapları esabına bayağı bir miqdarda toldurıla.
Bugünde kütüphaneniñ kitaplar fondunda 36 biñ cılt, bu cümleden kırımtatar tilinde 9 biñ cılt, 2 biñ cılt siyrek rastkelgen ve ğayet qıymetli neşirler mevcut.
Bular: İ.Gasprinskiyniñ, C.Seydametniñ, A.Özenbaşpınıñ, O.Aqçoqraqlınıñ, B.Çoban-zadeniñ, Ş.Bektoreniñ, A.Kriçinskiiniñ, E.Şemi-zadeniñ ve kırımtatar medeniyetiniñ diger meşur erbaplarınıñ daa sag ekende çıqqan kitaplardır.
Kütüphaneniñ kitap fondunıñ ğayet qıymetli qısımında aşağıdakiler mevcut:
öz içine Qırım hanlığınıñ 1613 senesinden 1780 senesinece ölgan mahkeme ve arhiv vesiqalarını qavrap apgan Qadı-asker defterleriniñ 61 cıltınıñ fotokopiyaları;
Romaniyada ve Türkiyede kırımtatar diasporası tarafından neşir etilgen "Emel" (1930-1998), "Kırım" (1957-1961) mecmuaparınıñ, Taşkentte neşir etilgen "Lenin bayragı" (1957-1990) gazetasınıñ ve "İıldız" (1976-1990) mecmuasınıñ tolu kollektsiyaları.



Biz içün siziñ iştiragiñiz pek emiyetli. Marafonnıñ er bir qısmnı respublikalı kütleviy informatsiya vastalarında (KİV) ve İ. Gasprinskiy adına qırımtatar sayt saifelerinde seyir etmek mümkün.


Rekvizitler:
Poluçatel:                 "İ. Gasprinskiy adına qırımtatar cumhuriyet kütüphanesi"
Naznaçeniye plateja:  Dobrovolnıye pojertvovaniya po "Aktsii dobrotı"
                                      dlâ razvitiya krımskotatarskih                          biblioteçnıh struktur
OKPO    23896329
R/s          35427004001301
DKSU     g. Simferopol, Avtonomnaya Respublika Krım
MFO      824026