Muracaat

И. Гаспринский адына къырымтатар китапханеси ашагъыдаки алимлеримиз акъкъында малюмат араштыра:

Къырымтатар алимлеримиз сабыкъ Совет Бирлиги джумхуриетлеринде чешит илим сааларында фаалиет косьтердилер. Оларнынъ эр бири озь саасына салмакълы иссе къошты демеке акъкъымыз бар. Бу алимлернинъ акъыл-идракъ ве медений хазинесини сакълап къалмакъ – китапханемизнинъ эсас гъаелеринден бири.

1. Азербайджан ССР Илимлер академиясынынъ Физика институты янындаки ультросес лабораториясынынъ мудири, физика-математика илимлери докторы Халиль Мустафаевич Халилов

Араштырма саасы: аморф селенинде ультрасеснинъ синъювини ве даркъалув сурьатыны тедкъикъ этюв ишлеринен огърашты.

2. Баку геология институты лабораториясынынъ мудири, геология ве минералогия илимлери докторы, геология ве палеонтология илимлери профессоры Джемиль Халилов

3. Азербайджан ССР Кировобад кой ходжалыгъы институтынынъ химия кафедрасы мудири, химия илимлери докторы (1964 с.) Азиз Мамбетов.

Араштырма саасы: химия кафедрасынынъ алунити теркибиндеки сийрек ве рекнли маденлерден бир сыра янъы элементлерни айырып алув улулыны огренди. А. Мамбетов бу маденлернинъ физикий ве химиевий хасиетлерини, оларны гъайыпсыз ишлетюв усулларына аит китап устюнде чалышты.

4. Сейдаметов Яя Аметович  (1907-1942) –  фитопатология (осюмликшынаслыкъ) илиминен огърашты.

Кой ходжалыгъы техникумыны, Ульяновск кой ходжалыгъы институтыны. 1937с. Ленинград шеэринде осюмликлерни къорчалав Бутюнсоюз ильмий тедкъикъат институтынынъ аспирантураны битирди, онынъ япкъан кешфиятлары 1939-1941 сс. Бутюнсоюз халкъ ходжалыгъы мувафакъиетлери сергисинде косьтерильди.

Араштырма саасы: «Юзюм оидиумы ве онъа къаршы куреш чарелери». Фитопатология илиминде «кривая Сейдаметова» термини къулланыла.

Азырлагъан китаплары:

 Сейдаметов Я. А. Оидиум винограда в Крыму и меры борьбы с ним / Наркомзем РСФСР АССР. Крым. НИИ защиты растений. – Москва, 1939. – 24 с.

Сейдаметов Я. А. Юзюнинъ оидиумы (куф) хасталыгъы ве онынънен куреш / Осюмликлерни къорчалав Къырым Ильмий-тешкерюв институты; чыкъ. месуль: А. О. Куркчи. – Симферополь: Къырымдевнешр, 1940. – 11 с.

Булундыгъы малюмат ичюн миннетдарлыкъ бильдиремиз.