«Qırımtatar tilini saqlav ve ğayrıdan canlandıruvında Qırım kütüphanelerniñ emiyeti» adlı seminar

İyun 24-25 kunleri 2010 s.  İsmail Gasprinskiy adına qırımtatar kütüphaneniñ bazasında  “Korpus Mira” adlı teşkilâtınıñ maddiy yardımınen «Qırımtatar tilini saqlav ve ğayrıdan canlandıruvında Qırım kütüphanelerniñ emiyeti» adlı seminar keçirile.

Seminarnıñ esas maqsadı qırımtatarlarnıñ toplu yaşağan yerlerde qırımtatar tilini, medeniyetini, urf-edetlerini saqlamasında kütüphanelerniñ yardımıdır ve kütüphanecilik ameliyatında yañı medeniy tehnologiyalarnı kirsetüvtir

Seminar qırımtatar ve rus tillerinde keçirile.

Seminarda Qırımnıñ  25 kütüphaneleriniñ hadimleri iştirak ete.

Seminarnı Qırım Cumhuriyet Medeniyet Nazirliğiniñ medeniyet müessiseleri idaresiniñ başlığı Emirova Elena Grigoryevna açtı.

Tedbirde Qırım Muendislik ve pedagogika universitetiniñ qırımtatar ve turk edebiyatı kafedrasınıñ dekanı Abibullaeva Enise, qırımtatar ve turk edebiyatı kafedrasınıñ ilim hadimi Sattarova Saniye, qırımtatar ve turk edebiyatı kafedrasınıñ uyken ocası, filologiya ilimlerniñ namzeti Nariman Seityağyayev ve qırımtatar ve turk edebiyatı kafedrasınıñ uyken ocası Sattarova Milâra öz maruzalarınen çıqışta bulundılar.

İsmail Gaspinskiy adına qırımtatar kütüphanesiniñ etekçi kütüphanecileri bibliografik obzorlar, mesleat, trening kibi yardımcı usullar keçirdiler.

“Korpus mira”  adlı teşkilâtınıñ volontörı Barbara Vizer “Amerika Qoşma Ştatlarınıñ  Ukrainadaki “Korpus mira” aqqında prezentatsiyasını keçirdi.

Seminarnıñ sonunda iştiraqçiler öz tecribelerinen paylaştilar.