Tavriya ilmiy oquvlar

2010 s. mayıs 28-de  İnformatsion-bibliografik boluginiñ hadimi Kürbedinova Arzı Tsentralnıy müzey Tavridı binasında olıp keçken XI-nci Tavriya ilmiy oquvlarında iştirak etti. "Hatıra ayta… Üriye Yakubovna Azizova – Qırımnıñ  ilâc ösümliklerniñ tetqiqatçısı" mevzusı boyunca çıqışta bulundı.

Malümat içün:

Üriye Yakubovna Azizova 1908 s. 13 aprel künü Aqmescit şeerinde doğa.
1925-1930 ss. o, M. V. Frunze adına Qırım pedagogika institutınıñ tabiatşınaslıq bölüginde oquy. Oquvını bitireyatqan U. Azizovanı, Moskvadaki Bütünittifaq mis-qoqulı ve ilâc ösümlikler institutınıñ (VİLAR) hadimi N. İ. Libizov,  Qırımda ösken ve ilâci olğan ösümliklerni ögrenmek içün işke davet ete.
İnstitutnı bitirgen U. Ya. Azizova Qırım zonal tecribe stantsiyasına işke kire. Botanika sektorınıñ müdiri vazifesini eda ete ve ilâci olğan ösümlikleriniñ instroduktsiyası saasında tetqiqatlarnen oğraşa.
 Ondan da ğayrı Qırımda ösken sumaha ve skumpiya ösümliklerinde tanin ve gall ekşiligi (gallovaya kislota) toplanuv dinamikasını ögrenilüvinen meşğul. Bu araştırmalar Molotov adına Nikita Botanik bağçasında ötkerile.
1939 s. onı Moskva şeerine (VİLAR) Bütünittifaq mis-qoqulı ve ilâc ösümlikler institutına işke davet eteler.
1941 senesiniñ aprel ayından 1942 senesiniñ oktâbr ayına qadar İlimler akademiyasınıñ Moskvadaki Botanika bağçasında ilmiy hadim olaraq çalışa. Cenk yılları Aşhabad şeerine evakuatsiyada buluna.
Cenkten soñra U. Ya. Azizova Moskvada yaşay ve himiya sanayı saasında çalışa, ilmiy işnen başqa oğraşmay.
Azizova Üriye Yakubovna 1982 senesi 17 noyabr künü vefat ete ve Moskva şeerinde defn oluna.

Aşağıdaki kitaplarnıñ müellifi:

- Azizova U. Ya. Materialı po izuçeniyu lekarstvennıye rasteniya Krıma.– M., 1940. – 24 s.- Libizov N. İ. , Azizova U. Ya. Biohimiya sumaha i skumpii. - M.: Selhozgiz, 1941. – 31 s.